Иако нашиот народ често бил поробуван и измачуван . иако нашиот народ се занимавал со земјоделство и сточарство голема физичка работа сепак имале време да напишат убави песни и да ни ги остават ден денес да ги читаме.. па оваа тема е псоветена на македонската поезија . чиј автор е македонскиот народ..

биле пишувани .. обредни песни , митолошки, трудови,љубовни , хумористични ,детски ,епски јуначки песни ,Ајдутски песни ,Револуционерски ,партизнаски и др..

како што приметивте инспирација нашиот народ добива од секојдневниот живот од нашата историја и од емоциите...

сепак имаме богатство кое вреди да го споделиме тука..

Жнала Мара жолто просо

Жнала Мара жолто просо,
Поминале кираџии.
Едно младо кираџиче.
Тоа Маре ја велеше:
Ајде да се наджниваме,
ако тебе те натжнијам
Да ми дадиш кован гердан
Ако мене ме натжниеш,
Ке ти дадам брза коња.
И Мара му говореше,
Ако тебе те натжнијам
Не ти сакам брза коња,
Туку тебе добар јунак
Добар јунак да те земам.
Си фатиле да жнијеет,
Жнала,жнала бела Мара
Жнала,јунака натжнала
и јунака си зела.

ај една љубовна .. сигурно ја пишувало некое овчарче седнато под некое дрво .. дебела сенка а наоколу гласови од овците.. и песна на славеј а тој пишувал ли пушувал

Златна Злато,Злато Мори

О, о, о, златна Злато,Злато мори,
Златна трепетушке,
Стребрена верушке,
Срмено обетче,
Прилепско симитче,
Охридско белвиче,
Тетовско јаболче,
Грутка шекероа,
Јатка ореова,
Гранка маслинова,
Турунч мемелија,
Ајван губеклија,
Јагне сугаренце,
Овчко пресно млекце,
Горска еребица,
Јасна месечина,
Бегај кај да бегаш,
Јас ке ми те најдам,
И ке ми те земам,
Љуба да те имам.

Неможев и не одолеав да дадам аплауз за темата...прекрасно :dada:

ти благодарам клеа и се надевам дека членовиве од форумов ке одвојат малце време за темава и ке пишат некоја песна.

Ѓорги грозничав

Имала мајка, имала,
до девет сина убави,
десетти грозен Ѓоргија,
Ѓоргија беше болничав.
Мајка на Ѓорги говори,
мани се Ѓорги од куќа,
да не ми грдиш дворои,
да не ми ругаш синои,
и високите сараи.
Ѓоргија мајка молеше,
дробни си солзи ронеше,
оф леле стара мајчице,
не ли сум уште малечко.
Пусти патишта ќе згрешам,
во гора ќе се изгубам,
ѕверои ќе ме изедат,
без тебе мале ќе бидам.
Мајка на Ѓорги говори,
мани се грозно глупаво,
мани се веќе од куќа,
више те мајка не сака.
Виде, не виде Ѓоргија,
дека го мајка не сака
пак мајка си ја замоли,
дај ми ги мале пљачките,
крпено и некрпено,
татко ми што ми ги кроил,
за убав ден и Великден,
Мајка му пљачки исфрли,
Ѓорги од куќа излезе,
Кога ми Ѓорги излезе,
Луто си мајка проколна,
Оф леле стара мајчице,
Кога од двори ќе излезам,
Црната чума да влезе,
Сараи да ти побута,
Дворои да ти запусти,
Синои да ти потепа,
Сама ти мајче да останеш,
и за Ѓоргија да кукаш.
Шетал си Ѓорги по гори,
по гори и по планини,
слегна си долу селата,
ценил се Ѓорги овчарче,
Слугувал девет години,
печалил Ѓорги печалил,
до триста овци јаганца,
станал ми Ѓорги чорбаџи.
Еднаш се Ѓорги нажалил,
за своја стара мајчица,
за девет браќа убави,
и високите сараи.
Собрал си Ѓорги овците,
кинисал Ѓорги пристигнал.
Кога ми дома пристигнал,
мајка пред порти седеше,
и за Ѓоргија кукаше.
Ѓорги на мајка говори,
Оф леле стара мајчице,
имаш ли конак за мене,
ноќеска да си преноќам
па утре ќе си земинам.
Мајка го Ѓорги не позна,
па му на Ѓорги говори,
оф леле синко делија,
имав конаци високи,
и дворои широки,
и девет сина убави,
десетти беше Ѓоргија,
Ѓорги ми беше болничав.
Јас си на Бога погрешив
Ѓоргија си го испадив,
Кога ми Ѓорги излезе,
Луто ме мене проколна,
Како ме Ѓорги проколна,
Пуста ме клетва достаса,
Каде е сега Ѓоргија,
Да си го мајка прегрне,
мајкини гревои да прости,
белки ќе мајка да пукне.
Ѓорги на мајка говори,
Јас сум ти мајко Ѓоргија,
Ѓоргија мајко, најгрозен,
најгрозен мајко, болничав,
Тогаш го мајка прегрна,
дробни си солзи пророни,
прегрна мајка, целувна,
и пукна мајка, од жалост.

Дано ле Данче убава


Дано ле Данче убава
Дано ле стројна гиздава
што си ми замислена
што си ми натажена?

Дали те некој навредил
или те мајка искара,
та твојте црни очи
често се полни солзи?

Ниту ме некој навредил
ниту ме мајка искара,
туку ме либето превари
за друга сношти се армаса.

Заплакало е Мариово

Заплакало е Мариово,заплакало
за тој ми Горги , Горги Сугарев
Каде си Горги,сега да дојдеш
ОД душманите да не куртулиш
Тогај извикна Горги Сугарев,повикна
од демрихисарските балкани,
Слушам ве народ,народ поробен
Слушам ви гласој,гласој жалосни
Сега за скоро јас ке дојдам,ке пристигнам.
Со триесет одбрани момчиња
сите со пушки малихери,
сите со нагант револвери,
Колку ми тргба Горги Сугарев да врви
до тоа село ПАралово,
Бог да ги бие шпиуните Параловци,


Горгија што ми го предадоа!
Слушај бе Горги Сугарев послушај
Аји да сакаш ти да куртулиш,
Накачи горе ти кај чукарите
Кога ке види што ке види, Горги Сугарев
од сите страни Горги сардисан
Тогај извикна Горги Сугарев,провикна
на неговата верна дружина,

Клавајте гуњи пусии,
Зашто се камен тешко најдува!
Згрмеа пушки,пушки аскерски,крвави,
Сета дружина му ја убија
Тогај извади нагант револвер.Горги Сугарев
Самиот крвта си ја пролеа
Самиот крвта си ја пролеа , Горги Сугарев
Жив на душмани не се предаде.

ова беше една револуционерска песна од илинденскиот период.. една од моите посебно драги песни :dada:

БИЛЈАНА ПЛАТНО БЕЛЕШЕ

Билјана платно белеше
на охридските извори.
Ми поминаа винари,
винари белограѓани.
Винари белограѓани,
кротко терајте карванот,
да не ми платно згазите,
платното ми е даровно,
платното ми е даровно,
за свекор и за свекрва.
Ако ти платно згазиме,
со вино ќе го платиме,
со вино ќе го платиме,
и бела лута ракија.
Винари белограѓани,
не ви го сакам виното,
тук’ ви го сакам лудото
што напред тера карванот.

АЈДЕ СЛУШАЈ, СЛУШАЈ КАЛЕШ БРЕ АНЃО

Ајде слушај, слушај
калеш бре Анѓо
што тамбура свири.
Тамбурата свири,
калеш бре Анѓо
анама да бидеш.
Анама да бидеш,
калеш бре Анѓо
на чардак да седиш.
На чардак да седиш,
калеш бре Анѓо
жолтици да броиш.
Ајде слушам, слушам
клето бре Турче,
турски не разбирам.
Турски не разбирам,
клето ле турче,
вера не менувам.

НЕ ПЛАЧИ, МИЛО ЛИБЕ

Параходот си пристигна,
збогум либе, подај рака,
не плачи, мило либе, не жалај,
јас пак ќе се вратам.
Очите ти насолзени,
устето ти насмејано,
не плачи, мило либе, не жалај,
јас пак ќе се вратам.
Ја земи си бело крпче,
избриши си црни очи,
не плачи, мило либе, не жалај,
јас пак ќе се вратам.


Јас и овие многу ги сакам

значи има тема во музика слична на оваа. затоа темава ке служи за песни кои не се испеани . туку напишани и запишани по книги .. затоа во иднина ке пазиме сите да не ги измешаме темите односно песните .

Гледај ме гледај

Гледај ме ,гледај, ах мило либе,
нагледај ми се!
Денес сум тука, шарено пиле,
утре ке одам.
утре ке одам млад партизан
в Славеј Планина

Оттам ке гледам, ах мило либе
славна Дебарца
славна Дебарца, се попленета
се попалена
Ја попалија,ја попалија,
ја попалијам ах мило либе,
клети фашисти.,

а браос моме, ама песниве се опеани, од Мизар, а втората е од конкретен автор.
ве молам читајте упатства и описи на теми

balAlajkA напиша:а браос моме, ама песниве се опеани, од Мизар, а втората е од конкретен автор.
ве молам читајте упатства и описи на теми

Мизар немаат ништо со песниве освен тоа што ги препеале. Првата е од Григор Прличев и говори за судбината на Македонската Православна Црква и грчката пропаганда, а втората е од Константин Миладинов. Тие се едни од моите омилени не гледам тука никаква контрадикторност со правилата и упатствата на темата. :)

малку сме ја подзаборајле темава...

Ај! В Македонија глас се чует

Ај! В Македонија глас се чует
од нејзини сираци.
Ај! Душманите побеснале
колат, бесат се на ред.
Ај! Вие браќа Македонци
Вие славни јунаци.
Ај! Крв'о знаме да развејме
в македонски долини.
Ај! На знаме е напишано
„слобода или смрт”.
Ај! Нека чует и Европа
да робот се пробуди.
Ај! Македонија не се плаши
од нивниот јатаган.
Ај тој се фрлат како тигар
среде војски, јатаган.

****
чернеј горо, чернеј сестро или по модерно Црнеј горо, црнеј сестро

Црнеј горо, црнеј сестро,
Двајца да црнејме,
Ти за твојте лисја ле, горо,
Јас за мојта младост.

Твојте лисја,горо сестро,
Пак ќе ти се вратат,
Мојта младост горо ле, сестро,
Нема да се врати.

Мицко,Ристе и Стеван, Кичевски Војводи

Бог да го бие Мицка кумита,
Мицка кумита литовчанецо,
И Ристе другар добреноецо.
Каде ми одат и Бога молат:
-Еј,дај ни, Боже, провирна пролет,
Да си збереме верна дружина,
Млади момчиња од кически села,
Да прошетаме по виљаето-
Поречка Река,кическа страна
И да појдиме кај побратима,
Кај побратима јунак Стевана,
Јунак Стевана и тој Кумита,
Да го земиме за бајрактара
За да шетаме кически села,
кически села, поречка страна,
Да си чуваме нашите браќа,
Нашите браќа нашите сестри,
ОД тој пес Џема кичевчанецо!
Што ни запусти сио виљает,
Сите рисјанцки села поплени,
Што ми расфрли тешка веригија,
Тешка веригија,ем индадија:
Кому две лири, кому четири,
Кој не му даде глава му сече,
Глава му сече, челад зароби,
Тој ни бесчести нашите сестри,
Нашите сестри и братучеди,
Тој ни истепа домаќините,
Домаќините и чорбаџиите,
И му поплени се што имаа,
Се што имаа во куќа стока,
Брат му на Џемо во судо седи,
Во Кичеа на суд мезлич да биди,
Џемо за себе стока пленува,
И на брата си тој дел му дава.
Судо кически тоа го гледа,
Тоа го гледа,ич гајле нема
За да ја брани царцката раја
И Џема живо тој да го вати,
Да го осуди, апс да го клади
За да живее рајата мирна.

ова беше една Ајдутска песна опеана од нашиот народ

Ke moze da mi kazete 6 pesni od Makedonska narodna poezija so sodrzina: pechalbarski, ovcharski, komitski, mitoloshki, prispivni i obredni..(po edna za sekoe) ??

може да ти кажеме зошто да не . ќе ти напишам јас утре.сега немам баш време..

ше те замолам на овој форум да пишуваш на кирилица .. така двете страни ќе бидеме задоволни

фала ти многу..
нема проблем
а утре кога отприлика ќе бидат готови..?!

тебе за во школо да не ти требааТ?

пошо јас планирам да ги препишам од примери за литературата од 1ва година... и незнам дали ќе ти завршат работа