Актуелна тема.
Има доста форумџии на млада возраст тука, се разбира каде што прашањето за абортус е доста често.
Сите знаеме колку тој и како влијае на нашето здравје...
Денес се водат многу кампањи од владата со цел да се спречи абортусот, кој станува се почест и почест кај младите девојки. Иако се разбира, наталитетот на нашата држава најмалку треба да не загрижува кога лично нашата иднина зависи од абортусот.
Што би направиле вие во ваква ситуација?

Јас сум За. Многумина го поврзуваат абортусот со религиозната страна, демек не е арно ако се убие детето. Сметам дека секоја мајка посебно, треба да си одлучи дали ќе го роди или не, без никакви притисоци на Влади, мостови, партии и слични агитатори. Некој можеби не го планирал детето, па не е ни во можност да го израсне.

Се разбира дека оправдувам абортус. Сепак тој се изведува во првите 2 (мислам) месеци на бременоста додека „бебето“ е само куп клетки.
И не е убиство, и не е уништување на нечив живот, пошо ако нема мајката пари да го одгледува детето, или ако е премногу млада (најчестите причини 3а абортус) тогаш ни детето ќе видит живот, а ни мајката.

Одлично Рокси, се согласувам со твоето мислење во целост.
Ако детето не ќе може да ги има сите услови за живот, барем нека не се роди воопшто.

И да, ме иритираат плакатите и рекламите со слоганот „Абортусот е убиство“.

за периодот, тој се изрвшува најдоцна до десеттатата недела.
може и после тоа мислам дека, но тоа е веке оној ризичен абортус.
дали навистина сметате дека не треба да му се даде шанса на малото?
има многу семејства кои очајно бараат решение против стерилноста, и завршуваат со посвоено дете.
не мислите дека барем така би можеле да му обезбедите подобра иднина на детето.
во моментов јас оправдувам абортус само доколку тоа што би го носела во мене ке се роди со недостатоци, недај боже.

Aбортусот е убиство,ама у случај кога тоа дете би ги имало сите потребни ствари за живот од кога ќе се роди.Пример и мајката и таткото се добро ситуирани,и тие ствари,ама само заради тоа шо направиле дете,ама сметале дека поважни им се кариерите од бебето,тогаш не оправдувам абортус.Ко на пример една моја комшивка се отказа од бебето за да може да просперира на економски план.И абортираше некаде околу 4-5 месец(ако не се лажам).А да и јас оправдувам на некој начин абортус,кога пример бебето е зачнато во некој си секс за една вечер,кога не дај боже некој од родителите е наркоман,или кога едноставно родителите се премногу млади или не се сметаат за компетентни да го гледаат тоа дете.

Убиство се смета ако се убие човек, значи живо суштество. Не можам да кажам дека нероденото бебе не е човек, но во првите недели (како што кажа Шмугле, до десеттата недела) не би требало да се смета како одземање на живот.
Ако неродено се смета за убиство, тогаш зошто не се крштаваат во црква уште неродените?

зошто ретко кој знае до тогаш дали е мушко или женско за да му се даде име

Јес да ова себично 3вучит, али то си е нивни проблем шо немет деца. Негде дала природата, негде не дала и то е сеа.
А деца за посвојување има МНОГУ и уште ги даваат родителите кои несакаат да чуваат деца или не се во можност (оние кои ги родиле).

Да абортусот е убиство, ама убиство е и јагнето што ќе биде сервирано на трпеза на Божиќ и тоа е живо суштество. И нормално дека го подржавам абортусот секоја мајка (заедно со сопругот, доколку го има) треба да одлучи дали ќе го донесе на свет или не бебето. Сепак има и граница до кој месец може да се прави абортус.
Само една работа абортусот не е толку страшна работа некаде до 2 месец мислам дека е дозволено да се прави абортус. Нешто за што треба стварно да се замислиме е усмртувањето на плодот, односно детето да излезе на овај свет мртво...

Јас не подржвам абортус зато шо требит да му се дајт шанса на бебето да успејт. Постојт и голем ризик да немојт да родит жената ако абортират касно. Сепак го глеам ко убиство на нешто шо е дел од тебе а не би се осмелила на таков чекор. Барем сега имат различни заштити за да не дојт до несакана бременост и доколку некој не пазел не се криви тие ‘‘клетки’’ кои еден ден ќе напрает чоек.

абортусот е убиство за мене не го прифакам али ако е неопходен кога се мора се мора

Farinos напиша:абортусот е убиство за мене не го прифакам али ако е неопходен кога се мора се мора

Е, Фаринос. Значи убиството е оправдано кога ќе е неопходно, а?

Да за абортус.Абе какво убиство сметате?Т.е зависит во кој месец,ако е во првиот месец,тогаш шо е то?Дали имат органи,сетила,чуства?Не,само една клетка да не речам?И шо,поубо да абортиташ,одколку да се некој никакви родители па цел живот да ти се загорчит уше пред да се родиш.Значит то е неоформена единка без органи и сетила,и не осеќат нишо,немојт да е убиство.

А блади дот е во право.Убиство е ако се некој ситуирани,ама сакаат уш малце да поуживет сами во егзотичниот живот.Тогаш тие ионака би биле убијци и может да убиет личност,па и то е убиство.
А фаринос не мислеше за секое убиство,туку за абортусот конкретно.

Punk напиша:Јас не подржвам абортус зато шо требит да му се дајт шанса на бебето да успејт. Постојт и голем ризик да немојт да родит жената ако абортират касно. Сепак го глеам ко убиство на нешто шо е дел од тебе а не би се осмелила на таков чекор. Барем сега имат различни заштити за да не дојт до несакана бременост и доколку некој не пазел не се криви тие ‘‘клетки’’ кои еден ден ќе напрает чоек.

се согласувам со Панк.
_________________________________________________________

Еве што најдов во еден бележник од татко ми..

Не правете грев со убивање на сопственото дете! Не мислите дека абортусот е некоја безопасна операција како отстранување на крајници или вадење заб. Науката тврди дека нероденото дете не може да се смета како некој несакан израсток на телото од својата мајка.
Детето, колку и да е мало, претставува посебна личност.
Човечкиот живот не почнува од моментот на неговото раѓање туку од моментот на зачнувањето. Но, од сето најважно е тоа што убивањето на нероденото дете претставува смртен грев, за кои родителите ќе даваат одговор пред Бога.
Затоа немојте да се чудите ако вас после прекинот на бременоста ви се растурила вашата фамилија или пак на вас наишла некоја тешка болест или некоја тешка несреќа.
Не може мајчинската благосостојба да се гради на детската крв!
Немојте да мислите дека имате право да управувате туѓ живот.
Убивајќи го нероденото дете, родителите се убиваат себе си.
Неродениот човек, како и оној човек кој е роден и одрастен, има своја бесмртна душа.
После смртта на родителите неминовно нив им претстои средба со душите од децата кои ги убиле.

Дневник на нероденото девојче

Од љубов родителите ми дале живот. Така јас мислам... Настануваат моите први жили. Телото ми почнува да се обликува. Веќе имам уста... Срцето почнало да ми чука. Кој уште може да се посомнева дека јас живеам?!
Не сфаќам зошто мајка ми е загрижена...
Рачињата и ноџињата почнаа да ми растат. На рацете ми изникнаа прстиња.. Наскоро со нив ќе можам да фаќам. Кога ќе излезам од утробата ќе ги допирам образите од својата мајка...
Дури денес мајка ми дозна дека ме носи во нејзината утроба... Пресреќна сум поради тоа.. Одвај чекам да ги видам лицата на своите родители. Сега е веќе сигурно дека сум девојче. Ги имам сите органи, подобро ја чувствувам околината...
Ги слушам како моите родители разговараат. Некако се вознемирени. Тато вели: Кога веќе еднаш ќе абортираш? Што ли значи тоа? Можеби се спремаат да ми купат лулка....
Мамо, слушаш ли како ми чука срцето? Тоа чука за тебе сакана мајко... Во твојата утроба се чувствувам безбедно и среќно..

Мајко! Мајко! Каде сме? Што е тоа? Што прават со мене? Мајко, помогни ми!!! Некој сака да ме откорне од тебе... тоа се ножеви.... Мајко... не дозволувај да ме убијат..!! Боли! Ме боли! Те молам... помогни ми!....



- Госпоѓо, ја завршивме операцијата... зачетокот е отстранет.

Priest напиша:
Ако детето не ќе може да ги има сите услови за живот, барем нека не се роди воопшто.

И да, ме иритираат плакатите и рекламите со слоганот „Абортусот е убиство“.

Поарно мртов, одколку мртов живот.Се согласувам со Прист

А убиство не се мртвите клетки што ти одпаѓаат од кожата секојдневно?
Ајде ке тажиме за нив

како можете да кажете дека уништувањето на (најмногу) 2 месечно суштество не претставува убиство. Па зарем тоа суштество нема чувства, нема свој став за политиката на сегашната влада, не се држи со зачетокот на рака со девојка му кога се шетаат во парк, зарем не оди во солариум пред да гостува во експлозив, нема фејсбук профил со 475 пријатели, не зема екстази па има проблеми со родителите, не црта графити на сиви згради, зарем не е човек? па не е фала богу.

секако дека го оправдувам абортусот, само ако има добра причина (лоша финансиска состојба и слично)

Morbid напиша:А убиство не се мртвите клетки што ти одпаѓаат од кожата секојдневно?
Ајде ке тажиме за нив

сама кажуваш дека тие се мртви клетки. И тие клетки немаат врска со овие кои градат човек..

па ти ги убиваш :)

па убаво си кажав дека тие клетки немаат врска со клетките кои создаваат човек...