by Robby on Нед 06 Мар 2011, 07:14
Можеби државата се обидува да направи нешто за лекување на наркозависниците, но од друга страна многу, многу е битна самата желба на зависникот да се лекува. Ако некој не е спремен да се лекува, и 100 институции да има џабе е.
Тој што е спремен да се лекува колку толку има услови за лекување, постојат добри невропсихијатри, еве баш читав излегол некој нов лек, меѓудругото за него се вели:
Зависниците од дрога ќе може да се лекуваат со нов лек, кој деновиве ќе се најде во аптеките. Освен „метадон“, лекарите на зависниците ќе може да им пропишуваат и „бупренорфин“. Меѓутоа, во прво време, тој ќе може да се купи само со двоен рецепт од специјалист-психијатар. Министерството за здравство уште не одлучило дали овој лек ќе се најде на позитивната листа и на болните ќе им се дава бесплатно, како што сега се издава „метадонот“.
Новиот лек е регистриран во Бирото за лекови, а деновиве ќе се формира и неговата цена, по што ќе може да се најде во аптеките. Во Хрватска и во Словенија, кои веќе ја користат современата терапија со „бупренорфин“, месечното лекување чини од 2.000 до 6.000 денари.
- Многу е значајно тоа што добивме избор, а не мора да лекуваме само со „метадон“. Тој е добар лек, меѓутоа, околу 30 проценти од пациентите не даваат добар одговор на него. Тие, и откако ќе го примат, се депресивни, анксиозни или добиваат други ментални растројства - вели д-р Лилјана Игњатова, координатор на центрите за зависници во земјава.
Психијатрите објаснуваат дека предноста на „бупренорфин“ во однос на „метадон“ е во тоа што наркозависниците не може да се предозираат со него и да престанат да дишат.
- Новиот лек дава „побистра глава“, а оние што го земаат не мора да се под толку строг надзор. Во развиени земји го пропишуваат и семејни лекари. Пациентите обично на преглед доаѓаат на две недели, за разлика од сега кога добиваат неделна доза од „метадон“ - вели д-р Игњатова.
Во земјите што го употребуваат новиот лек, тој им се дава и на оние што не се толку долго наркозависници.
- Ако се овозможи новата терапија, може да се намалат и листите на чекање. Сега во центрите има околу 1.100 зависници што се лекуваат, а 80 се на листа на чекање. Но таа листа не е реална зашто многумина, знаејќи дека се чека, не се пријавуваат. Доколку зависниците што се лекуваат со „бупренорфин“ постепено се префрлат кај матичните лекари, ќе се отворат места, а и нема толку да се гетоизираат пациентите во центрите - вели д-р Игњатова.
Лекарите и невладиниот сектор апелираат да се прошират можностите за лекување на зависниците. Влатко Деков од невладината организација за здрав живот ХОПС вели дека новата терапија кај нас може да претставува револуција во лекувањето.
- Лекот мора да се стави на позитивната листа зашто имаме многу пациенти што немаат каде да се лекуваат - вели Деков.
извор: Нова Македонија
Кои по се изглеа не ни сакаат да бидат излечени. Всушност не е тоа болест. Тоа е само болна навика. Само 1% од нив несакајќи заглавиле и се тоа што се но имаат и волја да се справат со тоа. Но сепак сите почнаа да велат травата не е ништо. Дај на некому што ни цигара не запалил па да видиме дали е или не е нешто. И ако не е ништо посебно зошто трчат сепак по неа?
